Die geloof in die hiernamaals

(1/4) > >>

Watookal (September 02, 2009, 11:12:03 AM):
Ek wonder soms waar kom geloof in die hiernamaals vandaan?
Die twee teorië wat ek van weet en oorweeg is:

Teorie een: Op ‘n stadium in die evolusie van die mens het spraak en die leefwyse genoeg ontwikkel dat dit nie meer nodig om net heeldag te praat oor “waar kry ons kos“ en “pasop daai leeu“ nie. Mense begin toe dink en praat oor “wat is my doel hier“ en “wat word van my as ek doodgaan“. Geloof in die hiernamaals het toe onstaan as ‘n verdedigings-meganisme omdat die vooruitsig van wurmkos word nie 'n lekker vooruitsig was nie. Ek kry hierdie idee van Desmond Morris af, uit Manwatching of uit The Naked Ape. (lank terug gelees, kan nie meer onthou nie)

Teorie twee: Op ‘n stadium in die evolusie van die mens het iemand op Ayahuasca, Iboga, of iets soortgelyks afgekom. Die hallusinasie het haar laat besluit daar’s meer in hierdie wereld as wat sy kan verduidelik. Ek gebruik vroulike vorme want dit pas in by die Eva en die appel (of 'shroom) idee. Dis waar shamans - en uiteindelik geloof vandaan gekom het. Ek kry hierdie idee van Graham Hancock se boek Supernatural af.

’n Kombinasie van die twee is te sien in die eksperimente om angs te verminder deur LSD aan terminale kanker pasiente te gee, soos hier

Het enige iemand hier ’n opinie of ’n ander teorië wat ons kan byvoeg?
Mefiante (September 02, 2009, 11:33:02 AM):
Die eenvoudigste teorie is “Ek wil nie sterf nie. Met ’n hiernamaals kan ek vir ewig voortduur.”

'Luthon64
Watookal (September 02, 2009, 14:17:12 PM):
So die geloof in die hiernamaals of in die ewige lewe is 'n trap in die evolusie leer, net soos komminikasie, die gebruik van gereedskap of kuns?
BoogieMonster (September 02, 2009, 15:08:06 PM):
Kan ook 'n verdedigings meganisme wees om vrede te maak oor die wat voor jou gegaan het.

"Ek hoef nie sleg te voel nie, my vriend/familielid is nie rerig vir ewig weg nie, ek gaan weer met hulle praat as ek doodgaan, nou kan ek aangaan met my lewe."

Die konsep doen niks vir die dooie nie, maar seker alles vir die lewendige.
Watookal (September 02, 2009, 20:55:42 PM):
Is ek dan reg as ek sê dat geloof in die ewige lewe 'n stap vorentoe in die evolusie van die mens is? Of is dit net 'n stap, nie 'n stap vorentoe nie?

Navigation

[0] Message Index

[#] Next page

Skeptic Forum Board Index

Non-mobile version of page