Die halaalmerk - wie betaal daarvoor?

<< < (2/2)

Armando (April 07, 2009, 11:58:21 AM):
Ek is van kleins af daarvan bewus dat diere hulle lewe moet gee sodat ons vleis kan eet, hoenders, varke, beeste, wat ookal. Ek verstaan die afgryse wat mense wat nie soos ek grootgeword het, voel oor die dood van 'n mooi dier. Die tonele wat hulle by enige slagpale afspeel is alles behalwe aangenaam, hoewel die slag van 'n enkele so 'n dier op die plaas ook nie speletjies is nie. As my geheue my nie in die steek laat nie, is die tyd na so 'n slagtery nie een vir speletjies nie, maar somber, en meeste mense wat daarby betrokke was voel omgekrap en geïrriteerd. Ek dink egter dat mense hulle nukke en fiemies moet los en jou tjop of steak met die nodige respek geniet, want ons is nie iets wat van die natuur verwyder is net omdat ons mense is nie. Ons is self deel van alles wat lewe en alles wat doodgaan. Ek het oor die slag van diere by slagpale met mense wat iets daarvan weet gesels, en dié sê dat die vinnigste manier ook die mees menslike is. Daar kan 'n mate van bekommernis wees oor slagpale wat nie gekontroleer word nie, soos hoenderboerderye op plotte, maar die antwoord daar is m.i. om nie by enige iemand vleis te koop nie. Dis ook 'n gevaarlike speletjie, want jy weet nie hoe higiënies die proses was nie.

Navigation

[0] Message Index

[*] Previous page

Skeptic Forum Board Index

Non-mobile version of page