Om 'n boek te publiseer

(1/2) > >>

Lilli (September 23, 2010, 14:48:01 PM):
Die stelling is gemaak dat dit eintlik baie maklik is om 'n boek gepubliseer te kry. Ek dink dat die stelling net waar is onder baie spesifieke omstandighede, en volgens baie spesifieke definisies van 'boek'. (die genre waarvoor ouens soos Brian en Stevo skryf, geld nie onder hierdie definisie nie, dis heeltemal te intellektueel vir hierdie tyd van 'n soortvan Vrydag middag) My voorstel is dit:
'n Afrikaanse hygroman: Hoofkarakter: Chantelize Venter uit Brakpan. Die storie: haar soeke na identiteit in 'n post-apartheid Suid Afrika. Begin met Chantelize se kinderdae, die goeie ou dae, waar haar pa se woord nog wet was, haar ma nog muffins gebak het en botter gekarring het, haar broers haar met paddas en sprinkane geteister het, en die kerk vir haar 'n heenkome was.
Deel twee, Demokrasie - haar AWB vader verloor alles en draai na alkohol, haar broers kan nie werk kry onder die nuwe regering nie, en haar ma naai die tuinjong. Chantelize vlug na die Universiteit van Pretoria, en studeer 'n BA fokologie graad in die hoop om 'n trouman te ontmoet wie vir haar sal sorg. Die groot stad is rof. Sy ervaar 'n liefdesteleurstelling aan die hand van 'n seun van Maroela koshuis wat haar net vir seks wil gebruik. Opgebruik en weggesmyt ervaar sy vir die eerste keer in 'n lang tyd weer ware liefde wanneer sy 'n dame uit Johannesburg ontmoet, 'n aktriese wat in Pretoria is vir die naweek omdat sy 'n show by die Barnyard het. Dis hier waar die storie lekker sappig raak, kompleet met 'n lesbiese sekstoneel (diskreet, natuurlik) Chantelize partiekie te veel en word uit die Universiteit uitgeskop, sy kry werk as 'n topless waitress by 'n privaatkroeg in Moreletapark. Dit is die laagtepunt van haar lewe.
Deel Drie, Redemption: Chantelize is eendag in die bus oppad werk toe, toe sy die monstrosity van die Moreleta NG Gemeente se Kerkgebou vir die eerste keer werklik oplet. In 'n oomblik van waaghals forseer sy die busbestuurder om te stop. Sy spring uit, hardloop die heuwel uit na die deure van die kerk, waar sy soveel gemak ervaar het in haar kinderdae. Helaas, dit is Gauteng, en die deure is gesluit. Chantelize besef dat sy nie verbaas moet wees nie, haar selfbeeld is so moer-toe sy glo selfs god en die kerk het hul rue op haar gedraai. Sy keer terug na die straat en gaan wag by die busstop. 'n Vreemdeling sit langs haar, en begin gesels. Die busdrywers het intussen besluit hulle staak, en soos die tyd verby stap gesels die 2 vreemdelinge by die busstop oor die afwesigheid van god (die misterieuse busstop profeet is 'n ateïs, jy sien, en die eerste persoon in Chantelize se lewe tot dusver wat sin praat) Ons heroïne sien die lig - die geloof in god is niks meer as wishful thinking nie, en sy gaan terug gaan Universiteit toe, en BSc studeer, en 'n cure vir kanker en sommer aids ook uitvind eerder as om te bid vir genesing tot 'n god wat sy nou weet waarskynlik nie bestaan nie. Die misterieuse ateïs word opgelaai in 'n twee seater porsche deur 'n witwarm blondine en ry in die sonsondergang weg. Chantelize sit by die busstop en kontempleer haar volgende move. Volgende oomblik is daar 'n rower wat haar oor die kop slaan en haar selfoon steel.
Deel 4: Oblivion: Behoorlike breinskade later word Chantelize in 'n inrigting wakker, 'n staatshospitaal vir mense met gebrekke van watter aard ookal. 'n Staatshospitaal waar die kerk uitreikwerk doen, en elke oggend word daar gebid en gebybelstudie. Ek was vroeër verkeerd - hierdie is die laagtepunt in haar lewe, maar sy is onbewus daarvan (as gevolg van die breinskade, sê die dokters, maar eintlik as gevolg van die here se plan met haar lewe, sê die heiliges.
Ek sien 'n best-seller. ;D
Brian (September 23, 2010, 14:53:17 PM):
daar het jy dit...tog te pragtig en hou vas aan die filmregte...CT van Brakpan, onlangs van Hollywood sal dit koop! Genuine!
Faerie (September 23, 2010, 15:06:31 PM):
Junne! Jy weet daar is 'n lucrative mark vir die soort romans ne? Ek sal persoonlik omtrent 70 kopiee hier by die werk teen so R150 'n shot binne 'n uur kan smous.

Herinner my aan die bodice ripper wat die wiskunde juffrou in standard 7 uit my hande geruk het en opgeskeur het.... Mills & Boons, ek was hoogs ongelukkig.
Mandarb (September 23, 2010, 15:08:01 PM):
Hahaha, bravo. Entertainment galore vandag. Hou van die kinkel in die stert.
GCG (September 23, 2010, 15:22:31 PM):
lol, ja nee wragtag.

Navigation

[0] Message Index

[#] Next page

Skeptic Forum Board Index

Non-mobile version of page